مبنحسش بالحاجه غير لما تروح مننا

انا واحد من الناس ..
كان لازم الباب يتقفل فى وشى ..
عشان احس بقيمة اللى ورا الباب ..

عشان لما الباب يتفتح ..
اجرى وانا كلى اشتياق ..

عشان لما ابقى جوة البيت ..
اعمل حساب يوم ما رب البيت ..
يسمح انى مادخلهوش تانى ..

جه الوقت نفتكر يونان دلوقتى ..
بس نفتكره فى ايمانه وثقته ..
انه هيرجع تانى يشوف الهيكل ..
رغم انه كان جوة بطن الحوت ..

هو عارف انه اتطرد ..
بس كان واثق .. انه هيرجع تانى ..

"ولكننى اعود انظر الى هيكلك المقدس"

ربنا مايسمحش نتحط في موقف العذارى الجاهلات .. لما إتقفل في وشهم الباب .. ونسمع الصوت الإلهي بشكل نهائي لا رجعة فيه (( قد أغلق الباب )) !!

حالياً مشتاقين تحضر أول قداس ..
بعد قرار فتح الكنايس تانى ..

الصلوات يومها هيبقى ليها طعم تانى ..

يارب امنحنا ان نستعد كالعذارى الحكيمات .. نلحق_الباب_المفتوح .. وننير مصابيح قلوبنا وافكارنا ومشاعرنا لنستقبلك في مجيئك بالتهليل ..