يارب عدي بنا الازمه علي خير

اكيد كل الناس انزعجت النهاردة بسبب قرار المجمع المقدس بغلق الكنائس
والغاء القداسات والانشطة الكنسية
هو امر مؤلم ومحزن الحقيقي بس خلينا نفكر شوية ليه المجمع المقدس اصدر قرار زى كده
البلد بتمر بوضع صعب وكل اهزة الدولة بتتعاون مع بعض للحد من التجمعات
وزى ما شوفنا ان فى مناطق اتعمل فيها حظر تجول وممنوع نهائى اى تجمعات
الكافيهات اتقفلت قاعات الافراح اتقفلت واماكن كتير مقفولة
فالكنيسة بدورها لازم يكون ليها دور فالعملية التامينية دى منعا ان حد ييجى بعد كده يقول اصل الاقباط هما السبب فى انتشار الفيروس
فياريت نقدر الحمل على الكنيسة وعلى قداسة البابا ونصلى ان ربنا يعدى الأزمة دى على خير
ومن ناحية تانى احنا اتحرمنا من دخول الكنيسة بس نقدر نخلى كل بيوتنا كنايس
نتجمع ونصلى لربنا يرحمنا ويرفع الوبأ ده عننا وعن العالم كله
كده ربنا هيفرح بينا اكتر وهيسمع صلاتنا
اهل نينوى البلد كلها كانت هتهلك لكن لما صاموا وصلوا ربنا قبل توبتهم
ايام نقل الجبل لما الناس صاموا 3 ايام وصلوا ربنا قبل الجبل ودى معجزة فوق العقل والمنطق بكل المقاييس
فعشان كده بنطلب منكم ياريت كل بيت واسره تتجمع وتصلى لربنا بقلبها
نطلب منه الرحمة وانه يمد ايده على الوبأ اللى رعب العالم كله
ربنا يحفظ اولاده وبناته من كل شر وشبه شر ويحفظ بلادنا وكل بلاد العالم امين
🙏🏻